चितवन, ११ वैशाख । चितवन-२ मा दिउँसो १ बजेदेखि मतगणना सुरु हुनेभएको छ ।
बिहान बसेको सर्वदलीय बैठकले चितवन क्षेत्र नम्बर २ को उपचुनावको मतगणना आज दिउँसो १ बजेदेखि सुरु गर्ने सहमति गरेको हो।
नेपाली कांग्रेसका उम्मेदवार जित नारायण श्रेष्ठले सर्वदलीय बैठकमा भएको सहमति अनुसार दिउँसाे १ बजेदेखि मतगणना हुने भएको हो ।
चितवन क्षेत्र नम्बर २ मा रास्वपाका सभापति रवि लामिछाने, नेकपा एमालेका रामप्रसाद न्यौपाने र नेपाली कांग्रेसका जितनारायण श्रेष्ठ उम्मेदवार छन् ।
रास्वपा उम्मेदवार लामिछानेले आचारसंहिता उल्लङ्घन गरेको भन्ने नेपाली कांग्रेसको उजुरीबारे केन्द्रमा लेखेर पठाउने, सामाजिक सञ्जालमा जथाभाबी लेख्नेहरुमाथि कारबाहीका लागि प्रहरीलाई जानकारी गराउनेलगायत सहमति भए पछि मतगणना सुरू हुन लागेको हो ।